Çərşənbə axşamı günü ABŞ-ın Meksika ilə sərhədində gərginliklər artıb. Belə ki, Ali Məhkəmə miqrantlar üçün pandemiya dövrünün məhdudiyyətlərini qüvvədə saxlamaq üçün müvəqqəti sərəncam verib.
Mühafizəkarlığa meylli ştatlar qısa olsa da möhlət qazanıb. Beləliklə sığınacaq axtaranların hamısını olmasa da, çoxunu qovmağa imkan verən tədbir əldə edilib.
Ali Məhkəməyə göndərdikləri son müraciətdə onlar miqrantların sayının artmasının hüquq-mühafizə və səhiyyə kimi ictimai xidmətlərə ziyan vuracağını iddia və cənub sərhədində "görünməmiş fəlakət" barədə xəbərdarlıq edib.
Baş hakim Con Roberts prezident Co Bayden administrasiyasından saat 17:00-a qədər cavab verməsini xahiş edərək, növbəti əmrə qədər qüvvədə qalma icazəsi verib. Bu, məhdudiyyətlərin çərşənbə günü başa çatmasına bir neçə saat qalmış baş verib.
Sərhəd təhlükəsizliyinin təmin edilməsinə cavabdeh olan Daxili Təhlükəsizlik Nazirliyi Robertsin əmrini qəbul edib və həmçinin agentliyin "42-ci maddənin ictimai səhiyyə qaydası qaldırıldıqda sərhədi təhlükəsiz, nizamlı və humanist şəkildə idarə etmək üçün hazırlıqları davam etdirəcəyini" bildirib.
42-ci maddə adlı ictimai səhiyyə qaydası COVID-19-un yayılmasının qarşısının alınması səbəbi ilə 2020-ci ilin mart ayından bəri ABŞ və beynəlxalq qanunlara əsasən 2,5 milyon dəfə miqrantları sığınacaq axtarmaq hüququndan məhrum edib.
ABŞ-ın cənub-qərb sərhədinin hər iki tərəfindəki icmalarda təzyiq artdıqca, bundan sonra nə olacağına dair qərar veriməlidir.
El Pasoda Demokrat bələdiyyə başçısı Oskar Liser bazar ertəsi xəbərdarlıq edib ki, Ciudad Juarezdə sığınacaqlar sərhədi keçən təxminən 20000 miqrantla doludur.
El Paso şəhəri Qırmızı Xaç 10,000 çarpayı təmin etdiyi vaxt böyük binaları sığınacaqlara çevirərək daha çox miqrant qəbul etmək qabiliyyətini genişləndirib.
Yerli rəsmilər həmçinin Texasın digər böyük şəhərlərinə və ya yaxın ştatlara avtobus kirayələməklə yerli sığınacaqlarla bağlı təzyiqi azaltmağa ümid etdiklərini, qeyri-kommersiya qrupları ilə koordinasiyada miqrantları qohumlarına və sponsorlarına bir addım daha yaxınlaşdırmağa ümid etdiklərini deyir.
Sərhəddən bir neçə kvartal aralıda yerləşən kilsəyə aid sığınacaqda qadın və uşaqlar da daxil olmaqla, miqrantlar bazar ertəsi günortadan sonra gecələmək üçün çarpayı, hədiyyələr daşıyan bir sıra avtomobillərdən yemək ianələrini qəbul etmək ümidi ilə növbəyə düzülüb.
Ağ Evin məlumatına görə, hazırda cənub sərhədinə 23 minə yaxın agent yerləşdirilib.
İmmiqrasiya tərəfdarları 1944-cü il sağlamlıq qanununun müddəalarına əsasən tətbiq edilən 42-ci maddənin məhdudiyyətlərinin təqiblərdən qaçmaq üçün ABŞ-a qaçan insanlar qarşısında Amerikanın və beynəlxalq ictimaiyyətin öhdəliklərinə zidd olduğunu və bəhanənin koronavirus müalicəsi yaxşılaşdıqca köhnəldiyini deyir. Onlar 42-ci maddədən istifadəyə son qoymaq üçün məhkəməyə müraciət edib. Noyabr ayında federal hakim onların tərəfini tutaraq, dekabrın 21-nə son tarix təyin edib.
42-ci maddə məhdudiyyətləri bütün milliyyətlərə şamil edilsə də, qeyri-mütənasib olaraq Meksikanın geri almağa razılaşdığı ölkələrdən olanlara düşür: Qvatemala, Honduras, El Salvador və Venesuela.
