Narkotik qaçaqmalçılığı ilə ittiham olunan Cənubi Koreya vətəndaşı Çində edam olunub. Bu, son doqquz ildə Çinin edam etdiyi ilk Cənubi Koreya vətəndaşıdır.
Quanqjou şəhər məhkəməsi cümə günü cənubi koreyalı müttəhimə hökm oxuyub.
“Müxtəlif millətlərdən olan müttəhimlər Çin ərazisində cinayət törədirlərsə, qanun onlara bərabər qaydada şamil olunacaq,” Çin xarici işlər nazirliyinin yaydığı bəyanatda bildirilir.
Rəsmi Seul vətəndaşının edam olunduğunu təsdiqləyib.
Çin rəsmiləri Cianq adlı müttəhimin “legitim hüquqlarına və maraqlarına” məhkəmə prosesi zamani riayət olunduğunu bildirib.
Cənubi Koreya baş verənlərin təəssüf doğurduğunu bildirib və qeyd edib ki, rəsmi Seul dəfələrlə Çin hökumətindən edam cəzasının təxirə salınmasını xahiş edib.
Həmin şəxs 2014-cü ildə beş kiloqram metamfetamin maddəsi ilə həbs olunmuşdu.
Çinin hüquq sistemi tam şəkildə Kommunist Partiyasının nəzarətindədir, və məhkəmələr 100% hallarda cinayət ittihamları üzrə həbs edilən şəxsləri məhkum edir.
Bir çox ölkələr kimi Çində də narkotikə dair qanunlar sərtdir və ötən illərdə bir neçə xarici ölkə vətəndaşı edam cəzasına məhkum edilib.
Forum