Accessibility links

Akapulkoda "Otis" qasırğasından sonra 100-ə yaxın insan ölüb və ya itkin düşüb


Qorrero ştatının səlahiyyətlilərinə görə, Meksikanın kurort şəhəri Akapulkoda "Otis" qasırğası nəticəsində 100-ə yaxın adam ölüb və ya itkin düşüb.

Qorrero qubernatoru Evelin Salqadonun sözlərinə görə, 5-ci kateqoriyalı qasırğa çərşənbə günü şəhəri dağıdıb, nəticədə 45 nəfər ölüb, 47 nəfər isə itkin düşüb.

Fırtına nəticəsində həmçinin bir çox ev, otel və biznes dağılıb, şəhərlə əlaqə və nəqliyyat kəsilib, təxminlərə görə təqribən 15 milyard dollar ziyan vurulub.

Ölənlərə ABŞ, İngiltərə və Kanadanın üç vətəndaşı daxildir.

Hökumət tərəfindən verilən su növbələri uzun olub və bəzi sakinlər hökumətin kifayət qədər yardım göstərməməsindən şikayətlənir.

Meksika prezidenti Andres Manuel Lopez Obrador səlahiyyətliləri Akapulko əhalisinin əsas ehtiyaclarının ödənilməsini təmin etməyə çağırıb. Meksika yardımın paylanmasına və asayişin qorunmasına kömək etmək üçün zərər çəkmiş bölgəyə 17 minə yaxın əsgər göndərib, baxmayaraq ki, problemlər hələ də qalır.

Lopez Obrador prezident seçkilərinə cəmi yeddi ay qaldığı vaxt fırtınanın təsirini azaltmaqda ittiham olunur. O, "Otis" qasırğasına zəif reaksiya ilə bağlı iddiaları təkzib edib və tənqidçilərini fırtınanın təsirini siyasi mənfəət üçün artırmaqda günahlandırıb.

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG