Accessibility links

HƏMAS İsraillə atəşkəs razılaşması fonunda girovların üçüncü qrupunu təhvil verib


HƏMAS İsraillə atəşkəs razılaşması fonunda girovların üçüncü qrupunu təhvil verib.

İsrail daha əvvəl bildirmişdi ki, HƏMAS-ın gün ərzində azad edəcəyi girovların siyahısını əldə edib. Girovların üçüncü raundunun azad edilməsi dörd günlük atəşkəsin üçüncü gününə təsadüf edir.

Təhlükəsizlik rəsmiləri siyahıları yoxlayıb və girovların ailələrinə məlumat verilib, girovlar və itkin düşənlər üzrə koordinatorun ofisindən verilən açıqlamada deyilir.

Bu arada Fələstinin Səhiyyə Nazirliyi bazar günü bildirib ki, İsrail qüvvələri gecə ərzində İordan çayının qərb sahilində azı altı fələstinlini güllələyib.

HƏMAS şənbə günü axşam saatlarında 17 girovu, 13 israilli və 4 taylandlını azad edib. Qısa müddət sonra, bazar günü səhər saatlarında İsrail 39 fələstinli məhbusu azad edib.

Militant qrup İsraili mübadilə razılaşmasını pozmaqda ittiham etdikdən sonra girovlar gözləniləndən bir neçə saat sonra azad edilib. İsrail rəsmiləri bunu təkzib edib.

Qətər və Misir vasitəçiləri HƏMAS-ın narahatlıqlarını həll edə bilib və girovlar nəhayət gecə yarısına az qalmış azad edilib.

Sərbəst buraxılan 13 israillinin əksəriyyəti Kibbutz Beeridən olan yeddi uşaq və altı qadın idi. Uşaqların yaşı 3-16, qadınların isə 18-67 yaşları arasındadır.

Girovların azad edilməsi barədə elan İsrail hərbçiləri və Şin Bet təhlükəsizlik xidməti tərəfindən baş nazirin ofisinin bəyanatından sonra verilib ki, hökumət “evə qayıdan 17 girovu, 13 vətəndaşımızı və 4 Tailand vətəndaşını qucaqlayır”.

Baş nazirin ofisi daha sonra bazar günü azad ediləcək girovların siyahısını aldığını, dörd razılaşdırılmış mübadilədən üçüncüsü olduğunu bildirib.

HƏMAS-ın yaydığı videoda maskalı yaraqlıların onları Qəzzadan çıxaraq Qırmızı Xaç avtomobillərinə apardıqları an sarsılmış, lakin əsasən yaxşı fiziki vəziyyətdə olduqları göstərilir. Onlar İsraildəki xəstəxanalara aparılaraq ailələrinə qovuşub.

Ağ Evin milli təhlükəsizlik müşaviri Ceyh Sallivan NBC telekanalının “Meet the Press” verilişinə deyib ki, ABŞ-ın ən azı bir amerikalı girovun, 4 yaşlı qızın bazar günü azad ediləcəyinə “inanmaq üçün əsası var”.
Sallivan ABC-nin “Bu həftə” verilişinə 7 oktyabrda HƏMAS-ın İsrailin cənubuna hücumu zamanı “valideynlərinin onun gözü qarşısında öldürüldüyünü” deyib. Onun sözlərinə görə, o, HƏMAS-ın İsrail tərəfindən müxtəlif cinayətlərə görə həbs edilən 150 fələstinlini azad etməyə razılaşdığı 50 girov arasında ola biləcək üç amerikalıdan biridir.

Forum

XS
SM
MD
LG