Ukraynanın keçmiş prezidenti Petro Poroşenko dekabrın 1-də səhər saatlarında ölkədən çıxışına imkan verilmədiyini deyib.
2014-cü ildən 2019-cu ilə qədər Ukraynaya rəhbərlik edən və hazırda müxalifətçi deputat olan Poroşenko Polşa ilə sərhəd keçidində çəkilmiş videosunu yayımlayıb və keçməyə rəsmi icazəsi olduğunu göstərən sənədləri əlində saxlamasına baxmayaraq, geri qaytarıldığını bildirib.
Hərbi vəziyyətə görə, Ukrayna rəsmiləri xaricə səyahət etmək üçün xüsusi icazə almalıdırlar.
Ukrayna parlamentinin sədr müavini Oleksandr Korniyenko daha sonra Poroşenkonun ölkəni tərk etmək icazəsini ləğv etdiyini təsdiqləyib.
Korniyenko deyib ki, deputatlara partiyanın siyasi tədbirləri üçün səfərə icazə verilməsinə baxmayaraq, o, şərh verə bilməcəyi məktub aldıqdan sonra Poroşenkonun səfərinə icazəni ləğv etdiyini bildirib.
Mübahisə hökumət və müxalifət arasında artan gərginlik fonunda baş verir və əsasən büdcələr və təyinatlar kimi daxili məsələləri əhatə edir. Bu, münaqişənin başlanğıcında demək olar ki, ümumi birlikdən fərqli bir vəziyyətin yaranmasına gətirib çıxarıb.
Poroşenko bildirib ki, o, yük maşınlarının blokadasına son qoymaq üçün danışıqlara kömək etmək üçün Polşaya, daha sonra isə Ukraynanın müharibə səylərinə dəstək yaratmaq üçün ABŞ-a getməyi planlaşdırıb.
O, video paylaşımı ilə yanaşı, Ukrayna prezidenti Vladimir Zelenski administrasiyasını icazəni ləğv etməkdə və seçkilər ərəfəsində siyasət oynamaqda ittiham edən mesaj yazıb.
Poroşenko yazıb: “Bu, Ukraynaya qarşı təxribatdır”. “Bu, təkcə mənim bütün komandamın diplomatik işinə mane olmaq deyil, təəssüf ki, Ukraynanın müdafiə qabiliyyətinə zərbədir”.
Zelenskinin ofisi şərh sorğusuna dərhal cavab verməyib.
Avropa Həmrəyliyi müxalifət partiyasına rəhbərlik edən Poroşenko Zelenski administrasiyasının tanınmış tənqidçisidir.
2019-cu il prezident seçkilərində Zelenski o zamankı prezident Poroşenkonu böyük fərqlə məğlub edib. O zamandan bəri iki siyasətçi arasında mübarizə kəskin formada olub.
Zelenski keçən ay ukraynalılara müraciətində bildirmişdi ki, müharibənin getdiyi bir zaman seçkilərin keçirilməsi “vaxtı deyil”. Növbəti prezident seçkilərini tarixi adi qaydada 2024-cü ilin martında olmalı idi. Amma müharibə vəziyyətinə görə, seçkilərin nə zaman keçiriləcəyi məlum deyil.
Forum