Qəzza zolağında müvəqqəti atəşkəs üçün beynəlxalq təkan fonunda İsrail qüvvələri çərşənbə günü Qəzzanın şimal və cənubunda hava hücumları həyata keçirib. İsrailin hücumları arasında Qəzza şəhəri də var, orada ordu quru əməliyyatları zamanı 15 yaraqlının da öldürüldüyünü bildirib.
Qəzzanın cənubundakı əsas şəhər olan Xan Yunisdə şahidlər çoxsaylı hava hücumlarına əlavə olaraq şiddətli döyüşlərin getdiyini bildirib.
Qəzzada HƏMAS-ın idarə etdiyi Səhiyyə Nazirliyi bildirib ki, İsrailin əks-hücumunda həlak olanların sayı 26 900 nəfərə çatıb ki, bu rəqəmə həm mülki şəxslər, həm də yaraqlılar daxildir.
HƏMAS lideri İsmayıl Haniyənin həm Qəzzada döyüşlərin dayandırılmasını, həm də HƏMAS tərəfindən saxlanılan girovların azad edilməsini nəzərdə tutan atəşkəs təklifini müzakirə etmək üçün Qahirəyə gedəcəyi gözlənilirdi. Həniyə çərşənbə axşamı bildirib ki, HƏMAS atəşkəs planını araşdırır.
“Prioritet Qəzzəyə qarşı ədalətsiz təcavüzə son qoymaq və işğalçı qüvvələrin tamamilə geri çəkilməsidir” - deyə, Haniyə bildirib.
O, HƏMAS-ın 7 oktyabrda İsrailə HƏMAS-ın 1200 nəfərin ölümü ilə nəticələnən hücumundan sonra İsrailin əks-hücumları zamanı düzəldilmiş Qəzzanın yenidən qurulmasına çalışdığını bildirib. Qrup həm də İsrailin Qəzzada illərlə davam edən blokadasının ləğvini və İsraildə saxlanılan fələstinli məhbusların azad edilməsini istəyir.
İsrailin Baş naziri Benyamin Netanyahu bildirib ki, İsrail bütün məqsədlərinə çatana qədər Qəzzadan tam çəkilmə baş tutmayacaq. Netanyahu HƏMAS-ın İsrailə qarşı gələcək hücumlar təşkil edə bilməməsi üçün onu məhv edəcəyinə söz verib.
“Biz İsrail ordusunu Qəzza zolağından çıxarmayacağıq və minlərlə terrorçunu azad etməyəcəyik” - deyə, Netanyahu bildirib.
Mümkün yeni razılaşmanın konturları Parisdə ABŞ, İsrail, Qətər və Misir rəsmiləri arasında aparılan danışıqlar zamanı əldə edilib.
ABŞ-ın BMT-dəki səfiri Linda Tomas-Qrinfild çərşənbə axşamı jurnalistlərə deyib: “Dünən Dövlət katibi [Antoni] Blinkenin qeyd etdiyi kimi masadakı təklif güclü və cəlbedicidir. Bu, noyabrda gördüyümüzdən daha uzun bir humanitar fasiləni nəzərdə tutur ki, bu da daha çox girovu çıxarmaq və ac uşaqlara yemək, ehtiyacı olan yaşlı qadınlara dərman, dəfələrlə məcburi köçkün olanların sığınacaqla təmin edilməsinə imkan verəcək”.
Noyabr ayında bir həftə davam edən atəşkəs zamanı İsrail tərəfindən həbs edilən 240 fələstinlinin qarşılığında 100-dən çox girov azad edilib. HƏMAS-ın hələ də 100-ə yaxın girovu saxladığı güman edilir.
Forum