Accessibility links

Fermerlər kütləvi etirazla Yunanıstanın paytaxtını iflic edib


Yunanıstanda fermerlər etirazlarını gücləndirərək, ölkənin paytaxtına traktor və əkinçilik avadanlığı ilə hücum edərək, ölkə parlamentinin qarşısına toplaşıblar.

Son zamanların ən böyük kənd təsərrüfatı nümayişində minlərlə fermer Afina küçələrində rəngarəng traktorlar sürərək nəqliyyatın hərəkətini iflic edib, sonra isə Parlamentin qarşısında dayanıb. Onlar istehsal xərclərinin artmasından şikayətlənirlər, lakin hökumət onların maliyyə tələblərini ödəmək üçün ayırmağa pulunun olmadığını deyir.

Bir çoxları şüarlar səsləndiribvə məşəllər yandırdı, digərləri qara bayraqlar dalğalandırıb. Onlar tabutlarqoyub və maşınlarına cənazə çələngləri asıb. Nümayişçilərin dediyi kimi onlar ölməkdə olan ticarətlərinin acınacaqlı vəziyyətini nümayiş etdirib.

Bir fermer etiraz aksiyasına qatılmaq üçün 14 saat maşın sürdüyünü deyib. Onun sözlərinə görə, istehsalın maya dəyəri artmaqdadır və fermerlər məhsullarını aşağı qiymətə satarkən, həmin baza qiymətindən 3-4 dəfə artıq supermarket səbətinə düşürlər.

Polis ən azı 6 min fermerin və 200-ə yaxın traktorun Yunanıstan paytaxtına basqın etdiyini bildirib. Onların artan xərclərlə bağlı qəzəbi və məyusluğu son bir neçə ay ərzində 27 ölkəni əhatə edən Avropa İttifaqında tətillər keçirən fermerlərin oxşar narahatlıqlarını əks etdirir.

Yunanıstanda fermerlər keçən il ölkənin əkin sahələrini su altında qoyan şiddətli daşqınlar nəticəsində mal-qara və məhsullarını itirdikdən sonra hələ də kompensasiya almadıqlarından şikayətlənir.

Baş nazir Kiriakos Mitsotakisin sağ mərkəzçi hökuməti fermerlərin acınacaqlı vəziyyətini etiraf edərək, bəzi güzəştlər, o cümlədən elektrik enerjisi və benzin ödənişlərində əhəmiyyətli endirimlər edib.

Bundan əlavə, hökumət deyir ki, büdcə məhdudiyyətləri daha çox maliyyələşdirməyə imkan vermir və bu, fermerlərlə onsuz da qızğın mübarizəni gücləndirir.

Bir gənc pambıq istehsalçısı hökumət tərəfindən aldandığını hiss etdiyini deyib. O bildirib ki, fermerlər bundan əl çəkməyəcəklər. Onlar tələbləri yerinə yetirilənə qədər etirazları davam etdirməyə qərarlıdırlar.

Forum

Amerika İcmalı

Amerika İcmalı. ABŞ-Yaponiya əlaqələri. ABŞ-ın Azərbaycan-Ermənistan sülh prosesində rolu.
please wait

No media source currently available

0:00 0:30:13 0:00
XS
SM
MD
LG