Accessibility links

ABŞ məhkəməsində 4 əcnəbi İran istehsalı silahları daşımaqda ittiham olunub


Dörd əcnəbi vətəndaş keçən ay Ərəb dənizində ABŞ-ın ələ keçirdiyi gəmidə İran istehsalı olan şübhəli silahları daşımaqda ittiham olunub. ABŞ-da cinayət işi çümə axşamı açılıb. Missiya zamanı iki hərbçi həlak olub.

Riçmonddakı Dairə Məhkəməsi iddia edir ki, dörd müttəhim - hamısının Pakistan şəxsiyyət vəsiqələri daşıyan husi üsyançı qüvvələrinin son hücumlarda istifadə etdiyi silah növü üçün İran istehsalı olan şübhəli raket komponentləri daşıyıb. Baş prokurorun müavini Liza Monako mətbuata açıqlamasında "İrandan Yəməndəki husi üsyançı qüvvələrinə raket və digər qabaqcıl silahların axını Amerikanın və bölgədəki tərəfdaşlarımızın xalqını və maraqlarını təhdid edir" deyib.

ABŞ rəsmiləri bildirib ki, Hərbi Dəniz Qüvvələrinin 1-ci dərəcəli Xüsusi Müharibə Operatoru Kristofer J. Çembers yanvarın 11-də qayığa minərkən, gəmi ilə qüvvələrin döyüş gəmisi arasında yüksək dalğaların yaratdığı boşluğa düşüb.

ABŞ-ın məlumatına görə, Çembers yıxılarkən Hərbi Dəniz Qüvvələrinin 2-ci dərəcəli Xüsusi Müharibə Operatoru Natan Geyc İnqram onu xilas etməyə cəhd edib.

"Husilərin Amerika qüvvələrini hədəf almaq və naviqasiya azadlığını və ticarət üçün həyati bir arteriyanı təhdid etmək üçün istifadə edə biləcəkləri İran istehsalı silahları qaçaqmalçılıq yolu ilə keçirməkdə müttəhimlərin qarşısını alan əməliyyatda iki Hərbi Dəniz Qüvvələrinin üzvü faciəvi şəkildə həyatını itirib," Monako deyib.

Məhəmməd Pəhlavan husi üsyançıları tərəfindən Qırmızı dənizdə və ətraf sularda ticarət və dəniz gəmilərinə qarşı istifadə edilən döyüş başlığı da daxil olmaqla, qabaqcıl raket komponentlərini qaçaqmalçılıq yolu ilə keçirməyə cəhddə ittiham olunur. O, həmçinin ABŞ-a yalan məlumat verməkdə ittiham olunur.

Pəhlavanla birgə Məhəmməd Məzhar, Ğufran Ullah və İzhar Məhəmməd də yalan məlumat verməkdə ittiham olunub. Pəhlavanın vəkili, federal nəzarətçi köməkçisi Emi Austin Pəhlavanın ilk dəfə cümə axşamı Dairə Məhkəməsi qarşısına çıxarıldığını bildirib. Onun gələn çərşənbə axşamı məhkəməyə qayıtması planlaşdırılır. Austin bununla bağlı şərh verməkdən imtina edib.

"Hal-hazırda o, iki cinayətdə ittiham olunur və biz hələ başlanğıc mərhələdəyik və buna görə bildiyimiz tək şey şikayətdə nə olduğudur"- deyə, Austin bildirib.

Prokurorların bildirdiyinə görə, Hərbi Dəniz qüvvələri 11 yanvar gecəsi Somali sahillərində Ərəb dənizindəki gəmidə olan 14 nəfərlə qarşılaşıb. Hərbi Dəniz Qüvvələri gəmidə axtarış aparıb və prokurorların fikrincə, İran istehsalı olan silahlar, o cümlədən ortamənzilli ballistik raketlər və gəmi əleyhinə qanadlı raketlər üçün komponentlər tapıblar.

Donanma qüvvələrinin gəminin üzmək üçün yararlı olmadığını müəyyən etdikdən sonra gəmidəki 14 dənizçinin hamısı USS Lewis B. Puller gəmisinə gətirilib. Daha sonra onlar Virciniyaya qaytarılıb, burada dörd nəfərə qarşı cinayət işi açılıb və digər 10 nəfərə qarşı maddi şahid orderləri verilib.

Forum

XS
SM
MD
LG