Accessibility links

Kolumbiya Universiteti həftələrlə davam edən etirazlardan sonra əsas buraxılış mərasimini ləğv edib


Kolumbiya Universiteti bazar ertəsi davam edən Fələstin tərəfdarı etirazlar fonunda universitet miqyasında böyük buraxılış mərasimini ləğv etdiyini, lakin bu həftə və gələn həftə daha kiçik mərasimlər keçirəcəyini elan edib.

"Tələbələrimizdən aldığımız rəylərə əsasən, tələbələrin həmyaşıdları ilə birlikdə fərdi olaraq təltif olunduğu Sinif Günlərimizə və buraxılış mərasimlərinə diqqət yetirmək və mayın 15-nə planlaşdırılan bütün universitet mərasimindən imtina etmək qərarına gəldik", Kolumbiya universitetinin rəsmiləri məlumat yayıb.

Etirazlar oktyabrın 7-də HƏMAS militantlarının İsrailin cənubuna hücum edərək, əksəriyyəti mülki şəxslər olmaqla 1200-ə yaxın adamı öldürməsi və təxminən 250 nəfəri girov götürməsi ilə başlayan münaqişədən qaynaqlanır. HƏMAS-ı məhv edəcəyinə söz verən İsrail Qəzzada hücuma keçib və HƏMAS-ın idarə etdiyi ərazinin Səhiyyə Nazirliyinin məlumatına görə, nəticədə 34.500-dən çox fələstinli həlak olub. Onların üçdə ikisi qadın və uşaqlardır. İsrailin zərbələri anklavı viran qoyub və Qəzza sakinlərinin çoxunu didərgin salıb.

Cənubi Kaliforniya Universiteti daha əvvəl əsas məzuniyyət mərasimini ləğv edərək, universitetə qəbul kimi digər fəaliyyətlərin davam etdirilməsinə icazə verib.

Forum

XS
SM
MD
LG