Livanın şimalında vətəndaşlar son 30 ildə Suriyanın müdaxiləsi olmadan keçirilən ilk parlament seçkilərinin sonuncu mərhələsində səs veriblər. 700 minə yaxın livanlı müxalifət lideri Saad Həriri ilə bir vaxtlar anti-Suriya generalı olmuş, lakin indi suriyapərəst qüvvələrlə birləşən Mişel Aun arasında seçim edəcək. 128 yerlik parlamentə nəzarəti ələ almaq üçün Həririnin partiyası 28 yerdən 21-ni qazanmalıdır. İlkin nəticələr bu günün sonunda və ya sabah erkən məlum olacaq.