ABŞ Mərkəzi Kəşfiyyat Agentliyinin təqaüdə çıxmış əməkdaşı bildirib ki, hələ 2003-cü ildə onun təmsil etdiyi Agentlik Səddam Hüseynin kütləvi qırğın suilahlarına malik olmaması haqda məlumat vermişdi. Mərkəzi Kəşfiyyat Agentliyiin Avropa əməliyyatlarına rəhbərlik edən Teyler Drumhellerin dediyinə görə, Ağ Ev rəsmiləri bu xəbərdarlığı qulaqardına vuraraq İraqla bağlı siyasətin artıq müəyyənləşdiyini bildirmişdilər. Drumhellerin dediyinə görə məlumat Agentliyin cəsusu və Səddam Hüseynin xarici işlər naziri olan Naci Səbridən daxil olmuşdu. Drumheller bu növ ittihamlarla çıxış edən Mərkəzi Kəşfiyyat Agentliyinin ikinci belə əməkdaşıdır.