BMT-nin vasitəçiləri Serbiya və Kosovoda əksəriyyət təşkil edən etnik albanların nümayəndələri arasında Serbiyanın bu vilayətinin gələcəyi ilə bağlı fikir ayrılıqlarını azaltmağa çalışırlar. Albanlar müstəqillik istəyir, serblər və rəsmi Belqrad vilayət üzərində müəyyən nəzarəti saxlamağa çalışır.
Bu gün Serbiya parlamenti planlaşdırılan yeni konstitusiyada Kosovonun Serbiyanın ayırılmaz, tarixi bir hissəsi kimi tanınmasına yekdilliklə səs verib. Tərəflər fevral ayında BMT-nin vasitəçiliyi ilə aparılan danışıqlarda çox az tərəqqi əldə edə bilmişlər.