Təqribən üç minədək insan Tbilisidə Gürcüstan parlamentinin qarşısında prezident Mixail Saakaşvilinin istefası və prezident üsuli-idarəsinin ləğvi tələbi ilə aksiya keçirib.
Əmək Partiyasının təşkil etdiyi aksiyaya digər partiyaların nümayəndələri də qatılıb. Partiyanın lideri Şalva Natelaşvili cənab Saakaşvili və onun tərəfdarlarını 2003-cü il Qızılgül inqilabının məqsədlərini yerinə yetirməməkdə günahlandırıblar. Onlar həmçinin liderləri ölkənin sosial iqtisadi problemlərini həll edə bilməməkdə ittiham ediblər.
Aksiya iştirakçıları tələbləri yerinə yetirilməyənədək aksiyaları davam etdirəcəklərini deyiblər.