İsrail 250-dən artıq fələstinli məhbusu azad etməklə, Fələstin prezidenti Mahmud Abbasa dəstək verdiyini nümayiş etdirib. Məhbuslar İsrailin Ketziot həbxanasından İordan çayının qərb sahilinə avtobuslarla daşınıb. Onları dəstəkləyənlər azadlığa buraxılan məhbusları qəhrəman kimi qarşılayıblar. Keçmiş məhbusların prezident Mahmud Abbasla görüşü gözlənilir. Xəbərlərdə deyilir ki, vətənlərinə çatan bu insanlar ilk öncə əyilərək torpaqlarını öpüblər.