Fələstin tibb işçiləri deyirlər ki, İsrail Qəzza Zolağının mərkəzində maşına havadan hücum edərək 3 militantı və 2 piyadanı yaralayıb. Şahidlərin dediyinə görə maşındakılar Prezident Mahmud Abbasın mənsub olduğu Fatah qrupunun zorakı qanadı olan Əl Aqsa Şəhidlər briqadasının üzvləri olub. Son zorakılıqlar İsrailin Misirdən Qəzzaya 100 Fələstinli qaçqının geri qayıtmasına icazə verdikdən sonra baş verib. İsraillə Misir arasındakı razılaşmaya əsasən 600 Qəzza sakininin yurdlarına qayıdacağı gözlənilir.