Dünyanın yoxsul ölkələrinin nümayəndələri BMT-nin sponsorluğu ilə Balidə təşkil edilən konfransa müraciət edərək, qlobal istiləşmənin səbəb olduğu problemlərin həllinə yardım göstərilməsinə çağırıb. Onlar zəngin ölkələrin yardımının ehtiyacları qarşılamadığını deyirlər. İndiyədək yoxsul ölkələrə göstərilən yardım 60 milyon dollar təşkil edib. Lakin yoxsulluqla mübarizə qrupu “Oxfam”ın bildirdiyinə görə, qlobal istiləşmənin vurduğu ziyanlarla mübarizə üçün yoxsul ölkələrin illik ehtiyacı 50 milyard dollardır.