Qeyri rəsmi atəşkəsə əsasən, fələstinli yaraqlılar Həmasın nəzarətindəki Qəzza Zolağından İsrailə qarşı raket hücumlarını dayandırıblar. İsrail ordusunun radiosu bildirir ki, baş nazir Ehud Olmert İsrailin müdafiə qüvvələrinə Qəzza Zolağına hava və quru hücumlarının dayandırılması barədə sərəncam verib. Qərar bu yaxınlarda İsrailin hərbi qüvvələri tərəfindən Qəzza Zolağına hücumu nəticəsində azı 120 fələstinlinin həlak olmasından sonraya və İsrailin Qəzza Zolağına yenidən hücum etməyə hazırlaşdığı vaxta təsadüf edir.