Avropanın Ali Təhlükəsizlik Təşkilatının nümayəndəsi Gürcüstan hökuməti və müxalifətini mayda keçiriləcək parlament seçkilərindən öncə lazımi islahatlar üzərində razılıq əldə etməyə çağırıb. ATƏT-in demokratik təsisatlar idarəsinin rəhbəri, səfir Kristian Ştrohal bu gün liderləri seçki məcəlləsində dəyişiklikləri həyata keçirməyə çağırıb. O, Tbilisidə siyasətçilərə bildirib ki, bu addımlar seçki prosesinə olan etibarı müəyyənləşdirəcək.
ATƏT-in son hesabatına əsasən yanvarın 5-də keçirilmiş prezident seçkiləri ümumən təşkilatın standardlarına cavab verib.