Tezliklə Birmada siklon nəticəsində ziyan görmüş milyonlarla insan yardımla təchiz olunacaq. Buna səbəb ölkənin ali liderinin bütün xarici yardımların qəbul olunmasına razılıq verməsidir. BMT baş katibi Ban Ki Munun sözlərinə görə, Birma generalı Tsan Şve bu gün Naypidauda görüş zamanı bəyanat verib. Cənab Ban deyir ki, o, razılığın qurbanlara yardım edəcəyinə inanır. Bu günə kimi Birma hərbi hökuməti bir çox xarici yardımların ölkəyə daxil olmasına icazə verməyib. Gəmilərinin Birma sahillərində gözlədiyi ABŞ, Böyük Britaniya və Fransa hər an yardım çatdırmağa hazır olsa da, Birma hökuməti onların ölkəyə daxil olmasından imtina edib.