İraqda polis çağırış məntəqəsinin qarşısında baş verən intiharçı hücumu nəticəsində 16 nəfər həlak olub, 14 nəfər isə yaralanıb. Sincar şəhərinin polis və xəstəxana rəsmiləri deyirlər ki, ölənlərdən 14-ü sıravi polis, 2-si isə polis zabiti olub. İraq şimal qərbində, Mosul şəhərində isə ABŞ qüvvələri 11 Əl-Qaidə yaraqlısını həbs edib. ABŞ ordu sözçüsü mayor Con Holun sözlərinə görə, həbs edilənlərdən birinin Əl-Qaidənin ali üzvü olduğu iddia edilir. Dünən ABŞ ordusu deyib ki, Bağdadda 10 şiə yaraqlısı öldürülüb.