Keçmiş Sovet respublikası olan Gürcüstanın yeni seçilmiş parlamenti bu gün səhər ilk iclasını keçirib. Ancaq açılışı boykot edən müxalifət partiyaları seçkilərin saxtalaşdırıldığını bildirərək sessiyada iştirak etməyib. Mayın 21-i seçkilərində 150 yerdən 119-na yiyələnən qərbyönümlü prezident Mixail Saakaşvilinin Milli Birlik Hərəkat partiyası parlamentdə üstünlük əldə edib. Bu gün parlament binasının qarşısında müxalif qanunvericilər və onların tərəfdarları etiraz aksiyası keçirib. Gürcüstan NATO-ya qoşulmağa dəvət olunub, bu isə qonşu Rusiyanı qəzəbləndirir. Tbilisi Moskvanı Rusiya ilə yaxın əlaqələr qurmaq istəyən separatçılara yardım etməkdə ittiham edir.