Əfqanıstan
Müdafiə Nazirliyinin bildirdiyinə görə, əfqan və xarici qüvvələr Taliban
yaraqlılarını ölkənin cənubundakı kəndlərdən təmizləyiblər. Qırıcı təyyarələrin
müşayiəti ilə keçirilən irimiqyaslı hücum zamanı Taliban Qəndəhar vilayətinin
Ərqandan rayonunun bir çox kəndlərindən çıxarılıb. Qəndəhar vilayətinin
qubernatoru Əsədulla Xalid deyib ki, içərisində bir çox pakistanlı olmaqla
yüzlərlə yaraqlı öldürülüb və ya yaralanıb. NATO faktı təsdiqləməyib, Əfqanıstan
Müdafiə nazirliyi isə bildirib ki, 56 yaraqlı öldürülüb. Alyansın sözçüsü
briqada generalı Karlos Branko Amerikanın səsinə açıqlamasında əməliyyatın
uğurlu keçdiyini və qarşıdakı bir neçə gündə də davam edəcəyini bildirib.