ABŞ prezidenti Corc Buş son 8 il ərzində dini qruların ehtiyac içərisində yaşayan amerikalılara göstərdiyi yardımın onların həyatlarında böyük dəyişikliklər etdiyini deyir. Həftəlik radio müraciəti zamanı prezident hökumətlə bu qruplar arasındakı tərəfdaşlığın evsiz insanların 12 faiz, başqa sözlə 20000 azalmasına səbəb olduğunu bildirib. Corc Buş deyib ki, xeyriyyəçi qruplar 90000 məhbus uşağına yardım göstərib, minlərlə sabiq məhbusa iş tapmaqlarına kömək edib. ABŞ prezidenti Afrika ölkələrində QİÇS-lə mübarizədə də xeyriyyəçiliyin əvəzsiz rol oynadığını qeyd edib.