İsrail hökuməti İordan Çayının Qərb
Sahilində mübahisəli yaşayış məntəqələrinin inşasını davam etdirmək planını
həyata keçirəcəyini bildirib. Hökumət rəsmiləri bu gün bildiriblər ki, İsrail
İordan vadisindəki Maskiot məntəqəsində, keçmiş hərbi bazanın olduğu yerdə 20 ev tikməyə hazırlaşır. İsrail
hökuməti bu planı hələ 2006-cı ildə həyata keçirmək istəyirdi, lakin beynəlxalq
təzyiqlər onu geri çəkilməyə məcbur
etmişdi.
Fələstin müzakirəçisi Saib Erekat yaşayış məntəqəsi barədəki qərarı qınamış və demişdir ki, bu, Birləşmiş Ştatlarla sülh danışıqlarınına mənfi təsir göstərə bilər.