Pakistanın
şimal-qərbində yaraqlılar 8 polis zabitini qətlə yetiriblər. Polisin
bildirdiyinə görə, silahlılar keçmiş kurort zonası Svat Vadisi yaxınlığındakı
Şimal-Qərb Sərhəd Vilayətinin Bunir Məhəlləsində polis yoxlanış məntəqəsinə
hücum edib. Yaraqlıların sözçüsü bugünkü hücumu təsdiq edib. Polisin
bildirdiyinə görə, yaraqlılar may ayında vilayət liderləri ilə Taliban yönümlü
yaraqlılar arasında sülh razılaşmasının
əldə olunmasına baxmayaraq zorakıların artdığı Svat vadisindən gəliblər.
Yaraqlılar hökumətin razılaşmanı pozduğunu iddia edərək hücumları iyulda bərpa
ediblər. Pakistanın digər şimal-qərb hissəsi Bajaur ucqar regionunda rəsmilər
Taliban yönümlü yaraqlılara qarşı döyüşləri davam etdirir.