İranın
ali hərbi komandirlərindən birinin sözlərinə görə, İrana qarşı hər hansı hücum
yeni dünya müharibəsinin başlanması demək ola bilər. Bu barədə bu gün Briqada
Komandiri General Masud Yazayeri İran dövlət mətbuatında şərh verib. General
Yazayerinin bildirdiyinə görə, ABŞ və Sionizmin qarşısı alınmaz tamahkarlığı
dünyanı uçuruma aparır. O xəbərdarlıq edib ki, hücum olacağı təqdirdə saxta və
qondarma rejimlər ilk olaraq aradan qaldırıla bilər. İran və ABŞ arasında İranın
nüvə proqramı barədə fikir ayrılığı var. İran deyir ki, atom proqramı dinc
məqsədlər üçündür, ancaq ABŞ və müttəfiqləri İranı nüvə silahı istehsal etməyə
çalışmaqda ittiham edir.