Güclü “Qustav” qasırğası
Kubanı təsirinə məruz qoyandan sonra ABŞ-ın körfəz sahillərinə istiqamət alıb.
Qasırğa Kubada güclü dağıntılara səbəb olsa da, ölən və yaralanan olmayıb.
“Qustav”ın Kubadan keçərkən zəifləməsinə baxmayaraq, onun Meksika körfəzinin
mülayim sularından yenidən güc alacağı gözlənilir. ABŞ Qasırğa Mərkəzi siklon barədə
xəbərdarlıq edərək bildirib ki, qasırğa şəraiti sabah erkən saatlarda gözlənir
və o, Nyu Orlean da daxil olmaqla sahil hissələri cənginə alacaq. Mərkəzin
məlumatına görə, hazırda “Qustav”ın küləyinin sürəti 200 kilometr / saata
düşüb. Kubada olarkən isə bu tropik siklonunun gücü 240 km/saat olub.
Meteoroloqlar deyir ki, “Qustav” 3 il əvvəl qeydə alınan “Katrina” qasırğasından
sonra müşahidə olunan ən güclü qasırğa ola bilər.