Diyala vilayətində 5 polis işçisi həlak olub

İraqın Diyala vilayətində 2 yolkənarı bomba partlayışı nəticəsində 5 polis işçisi həlak olub, digər 5 nəfər isə xəsarət alıb. İraq polisi deyir ki, hər iki bomba polis patrolu keçən zaman baş verib. Başqa bir məlumata görə, baş nazir Nuri Əl-Maliki dünən Mosulda jurnalistlərin oğurlanaraq öldürülməsini araşdırmaq üçün təhqiqat komissiyasının yaradılmasına sərəncam verib. İraqın Əl-Şərqiyyə telekanalının rəsmiləri deyir ki, 4 jurnalist reportaj hazırlamağa gedərkən Mosul şəhərinin Əl-Zəncili məhəlləsində qətlə yetirilib. Hadisədən bir az sonra reportyorların cəsədləri elə həmin ərazidən tapılıb. Ölənlər arasında telekanalın Mosul bürosunun rəhbəri, 2 kameraman və bir sürücü var idi.