Beynəlxalq
Atom Enerjisi Agentliyi İranın nüvə silahları istehsal etmək cəhdlərini
aydınlaşdırmaqda irəliləyişə nail olmadığını bildirir. Bugün Vyanada açıqlanan hesabatda agentlik
əlavə edib ki, Tehran həmçinin öz nüvə qabiliyyətlərini artırmaqda davam
edir. Belə ki, İranın hazırda 6000 uran
zənginləşdirən sentrifuqası var. BMT
Təhlükəsizlik Şurası Tehrana uran zənginləşdirilməsini dayandırmaq
istiqamətində təzyiqlər göstərir. Uran
zənginləşidirlməsi atom bombalarının istehsalı üçün istifadə oluna bilər. Ağ Ev bugün bildirib ki, İran uran
zənginləşdirməsini dayandırmalı və ya yeni sanksiyalarla üzləşməlidir.