"Qərb Ermənistanı
Nabukko layihəsinə qoşmaq istəyir". Bunu "Amerikanın
səsi" radiosunda keçirilən dəyirmi masada Türkiyə Strateji Araşdırmalar
Mərkəzinin rəhbəri Sinan Oğan bildirib.
Ekspert deyib ki, bu məsələ ABŞ
viste-prezidentinin regiona səfəri zamanı gündəmə gəlib və Türkiyə ilə
Ermənistan arasında son günlər aparılan yüksək səviyyəli təmasların başlıca
mövzusudur.
"Nabukkonun Ermənistandan keçməsi ilə
bağlı ciddi planlar mövcuddur. Bu mövzu əvvəllər də gündəmdə olub. Amma Türkiyə
və Azərbaycanın Ermənistanla problemləri buna imkan vermirdi. İndi isə
Ermənistanın bu layihəyə qoşulması
realdır. Çünki qaz kəməri Gürcüstan üzərindən keçəndə Qərb bu ölkəyə
daha çox diqqət göstərmək məcburiyyətində qalır və bu da Rusiyanı
qıcıqlandırır. Ermənistan isə həm Rusiya, həm də Qərb üçün qəbul olunandır", -
deyə ekspert vurğulayıb.
Sinan Oğan deyib ki, Nabukkonun
Ermənistandan keçməsi Ankara ilə Yerevan arasında əməkdaşlıq barədə
danışıqların şərtlərindən biridir.