İraqın təhlükəsizlik rəsmiləri bu gün ölkə boyu yaraqlılar tərəfindən 7
adamın öldürüldüyünü bildirib. Paytaxt Bağdadda silahlı şəxslər İraqın
Daxili İşlər Nazirliyinin biriqada generalı Adil Abbası və onun
sürücüsünü qətlə yetirib. Digər hücum intiharçı tərəfindən həyata
keçirilib. Kərkük şəhərinin şimal bölgəsində baş verən partlayış 2
adamın ölümü, 23 nəfərin yaralanması ilə nəticələnib. Polisin
məlumatında yolkənarı bomba partlayışı səbəbi ilə Diyala vilayətində 3
adam ölüb, 6 nəfər yaralanıb.