Mərkəzi Parisdə yerləşən
jurnalistlərin müdafiəsi üzrə nüfuzlu beynəlxalq qurum - Sərhədsiz Reportyorlar
Təşkilatı Tehranda həbs olunan azərbaycanlı jurnalistlərlə bağlı bəyanat yayıb.
Məlumatda bildirilir ki, son günlər
İranın təhlükəsizlik qüvvələri tərəfindən həb olunan 20 nəfər arasında 4
jurnalist “Dilmac” jurnalının baş
yazarı Əlirza Sərrafi, “Ədəbi yaşamaq” dərgisinin baş redaktoru Səid Məhəmmədi,
“Yarpaq” və “Varlıq” Jurnallarının yazarları Həsən Raşidi və jurnalist Əkbər
Azad da olub.
Məhbusların harada saxlanıldığı barədə
məlumat verilmir. Lakin yaxınları onların Evin həbsxanasınra saxlanıldlqlarını
güman edirlər.
Xəbərə görə, təhlükəsizlik qüvvələri
jurnalistlərin evində axtarış aparıb. Və bu zaman onların ailə üzvlərinə də
təzyiqlər göstərilib.
Sərhədsiz
Reportyorlar Təşkilatı baş verənlərdən narahatlığını bildirir.