ABŞ nüvə
müzakirəçisi Kristofer Hill Pxenyana səfəri zamanı Şimali Koreya ilə “real”
danışıqlar apardığını bildirib. Bu danışıqlar ölkənin nüvə proqramının ləğvi
ilə bağlı çıxılmaz vəziyyətin aradan qaldırılması məqsədi daşıyır. O, Pxenyanda
şimali koreyalı həmkarı Kim Kye Kvanla 3 günlük görüşlərdən sonra bu gün Seulda
jurnalistlərə açıqlama verib. Ancaq cənab Hill çıxılmaz vəziyyətin aradan
qaldırılması istiqamətində real inkişaf əldə olunması barədə heç nə deməyib.
Hillin cənubi koreyalı və yaponiyalı həmkarları ilə görüşləri gözlənilir. ABŞ
nümayəndəsi Pxenyana çərşənbə günü danışıqlar aparmaq üçün getmişdi. Ertəsi gün
onun Seula qayıtması planlaşdırılsa da, cənab Hill səfəri uzatmalı olmuşdu.