ABŞ
prezidentliyinə Demokrat namizəd Barak Obama Respublikaçıların onun
terrorçularla əlaqə saxlamaq ittihamına sərt cavabla çıxış edib. Obama kampaniyası dünən gecə Respublikaçı
namizəd Con Makkeynin 1980-ci illərdə baş vermiş maliyyə skandalındakı rolu
barədə televiziya reklamı açıqlayıb.
Senator Makkeyn o zaman bir qrup qanuniverici ilə birgə əmanət və kredit
insititunun rəhbəri olan Çarlz Keatingin adından nizamlayıcılara müraciət
etmişdi. Sonradan Keating maliyyə
fırıldağı ittihamları ilə həbs olundu.
Obamanın son reklamı Respublikaçı vitse prezidentliyə namizəd Sara
Peylinin onu terrorçularla əlaqələndirməsinə cavab hesab edilir. Alaska qubernatoru Peylin öz ittihamını
Obamanın hazırda kollec professoru olan Vilyam Eyerzlə münasibətlərinə dair
qəzetdə dərc olunmuş yazıya əsaslandırıb.
40 il bundan öncə Eyerz Vyetnam müharibəsinin əleyhinə kampaniya aparmaq
üçün “Weather Underground” adlı militant qrup təsis etmişdi. Həmin qrup bir neçə federal hökumət
binalarının partladılması üçün məsuliyyəti öz üzərinə götürmüşdü.