Pakistanın
şimal-qərbində Əfqanıstanla sərhəddə intiharçı hücumu nəticəsində Taliban
əleyhinə olan qəbilənin qətlə yetirilən 30-dan çox üzvünün dəfn mərasimi keçirilib. Hüquq-mühafizə orqanları bildirir ki, dünən
intiharçı içərisi bomba ilə dolu avtomobili İrakzay mahalının qəbilə şura
iclası zamanı partladıb. Taliban tərəfdarı yaraqlılara qarşı mübarizə aparmaq
üçün yeni hərbi birləşmə yaratmaq məqsədilə 500-dən çox qəbilə üzvü bir yerə
toplaşmışdı. Hücum zamanı 100 nəfərin də yaralandığı ehtimal edilir. Rəsmilər
deyir ki, bomba hücumu baş verən zaman şura regionda yaraqlı qərargahlarını
dağıtmaq barədə qərar verib.