Birləşmiş
Ştatlar Konqresinin kibaxanasında Azərbaycan Respublikasının ABŞ-dakı səfirliyi
və "Firebird" incəsənət assosiasiyasının təşəbbüsüilə keçirilən Rostropoviç
gecəsi dahi violençel ustasının xatirəsinə Vaşinqtonda hazırlanmış tədbirlərin
sonuncusu idi.
Dünyanın
ən mötəbər bilik ocaqlarından biri olan
Konqres kitabxanasında Rostropoviç haqda sərgi ilə yanaşı, Azərbaycanın birinci
xanımı Mehriban Əliyevanın görkəmli musiqiçi haqda yazdığı kitabın
prezentasiyası oldu.
Slava
Rostroviçin Azərbaycan və Bakı ilə bağlılığı mövzusu onun dünya mədəniyyətinə
verdiyi töhfələri tərənnüm edən bu tədbirin ana xəttini təşkil edirdi.
"Firebird"
incəsənət assosiasiyasının prezidenti Kseniya Voyevodski artıq illərdir Amerika
Birləşmiş Ştatlarında Rostropoviçin irsinin tərənnüm edilməsilə məşquldur. O
deyir ki, Mstislav Rostropoviçin həyatında Bakı çox böyük rol oynayıb. "Budur ki, indi onun qızları Olqa və Yelena
üçün də Bakı əziz bir yerdir, çünki bu, onların ataları üçün çox əziz idi."
Rostropoviçi
çox yaxından tanıyan, birlikdə onunla Aleksandr Soljenitsını ziyarət edən
Vaşinqtondakı Rus pravoslav kilsəsinin keşişi Viktor Potapov maestronun son gününə qədər yanından
çəkilməyib. O deyir ki, Rostropoviç
dostları ilə söhbətlərində həmişə Bakını xatırlayıb uşaqlıq illəri, Azərbaycana
bağlılığından danışırdı. "O tez-tez
Bakını yada salır, xatırlayırdı. M ən onun dəfn mərasimində də azərbacycanlı
dostların onu son mənzilə yola salmağa
gəldyini gördüm."-deyə Viktor Potapov bizə bildirdi.
Mstislav
Rostropoviçin qızı Olqa Rostropoviç atasının dünya insanı olduğunu
bildirdi. "Atam haqda danışanda
Azərbaycanı və paytaxt Bakını qeyd etməmək mümkün deyil. O bu şəhərdə anadan olub, ömrünün ilk
xoşbəxt çağlarını burada keçirib"-deyə
Olqa Rostropoviç bildirdi. O, Rostropoviçin həyatının son günləri azərbaycanlı
dostlarının əhatəsində olduğunu deyərək, bu həqiqi dostlar sırasında Azərbaycan
prezidenti İlham Əliyev və onun xanımı Mehriban Əliyevanı xüsusi qeyd etdi.
Azərbaycan
Respublikasının Amerika Birləşmiş Ştatlarındakı səfiri Yaşar Əliyev mayestro
Rostroviçin yüksək humanist insan malik olduğunu deyərək, onun və onun xanımı Qalina
Vişnevskanın azad yaşamaq istəyənn insanlar üçün cəsarət nümunəsi olduğunu
dedi. Yaşar Əliyev Azərbaycanın birinci
xanımı Mehriban Əliyevanın müəllifi olduğu Rostropoviç haqda yeni kitabı ABŞ
Konqresinin kitabxanasına təqdim etdi.
"YUNESKO-nun xoşməramlı səfiri kimi Mayestro Rostropoviç və xanım
Mehriban Əliyeva mədəniyyət, incəsənət və musiqinin tərənnüm edilib qorunması
üçün birgə layihələr üzərində işləyiblər,"-deyə səfir bildirdi. Yaşar Əliyev kitabda Rostropoviçin həyat və
anadan olduğu şəhərə bağlılığı, Bakının
ona, dahi musqiçinin də Bakıya verdiyi töhfələrə yer ayrıldığını söylədi.
Gecənin sonunda Mstislav Rostropoviç haqqında CBS tele-şirkətinin 1991-ci ildə çəkdiyi film nümayiş etdirildi. "Musiqinin əsgərləri: Rostropoviçin Rusiyaya qayıtması" adlı film Amerikada ən yaxşı tele filmlərə verilən Emmi mükafatına layiq görülmüşdür.