Təhlükəsizlik paktı təklifinə
qəzəblənən iraqlılar Bağdad küçələrində nümayiş keçirərək ABŞ prezidenti Corc
Buşun portretini yandırmış və tapdalamışlar. Şiə dini lider Möqtəda Əl-Sədrin minlərlə
tərəfdarı Firdous Meydanında toplaşaraq 2003-cü ildə ABŞ əsgərlərinin və
iraqlıların yıxdığı Səddam Hüseynin abidəsinin yerində plakatlar qaldırıblar. Nümayişçilər
təhlükəsizlik paktını “alçaldıcı” və “utancverici” adlandırıblar. İranda olduğu
ehtimal edilən Əl-Sədr kütləyə mesaj göndərərək ABŞ qüvvələrinin ölkəni tərk
etməsinə yardım göstərəcəyini bildirib. Azlıq təşkil edən sədrçi qanunvericilər
razılaşmanın parlamentdə oxunuşunda sessiyanın yarımçıq dayandırılmasına
müvəffəq olublar. Gözləndiyi kimi, əgər
İraq hökuməti paktı təsdiq etsə, bu, Amerika qüvvələrinin ölkədə daha 3 il
qalmasına imkan yaradacaq.