Beynəlxalq Atom Enerji Agentliyinin sədri
Məhəmməd Əl Baradeinin sözlərinə görə, İranın nüvə ambisiyalarını dayandırmaq
səyləri boşa çıxıb. Cənab Baradei “Los Angeles Times” qəzetinə deyib ki, dünya
ictimaiyyəti bu istiqətdə bir addım da ata bilməyib. O, verdiyi müsahibədə
sanksiyalardan istifadənin İranın mövqeyinin daha da sərtləşməsinə səbəb
olduğunu deyib. Nüvə agentliyinin
sədrinin sözlərinə görə, hazırkı hakimiyyəti sevməyən iranlılar ölkələrinin
mühasirəyə alındığını görüb, bu rejimi dəstəkləyirlər. ABŞ və onun Qərbdəki
müttəfiqləri İranı nüvə proqramını nüvə silahı əldə etmək üçün davam etdirməkdə
günahlandırırlar. İran isə təkidlə bu proqramın dinc mahiyyət daşıdığını bildirir.