İrandakı mənbələrin yaydığı xəbərlərə görə, ötən ay Qərbi Azərbaycan vilayətinin mərkəzi olan Urmiyyədə həbs olunan azərbaycanlı fəallardan bir neçəsi artıq müvəqqəti azadlığa buraxılıb.
21 Azər hərəkatı ərəfəsində həbs olunmuş azərbaycanlılardan 6 nəfəri - Nəvid Sultani, Səid Mahmudi, Höccət Mahmudi, Sitarə Qasımi, Humən və Rəhman Qasımilər müxtəlif məbləğlərdə girov qoymaqla yanvarın 5-də zaminə buraxılıblar.
Son bir neçə ildə İranda azərbaycanlılar 21 Azər hərəkatının ildönümlərində etiraz aksiyaları keçirməyə cəhd edirlər.