Rusiya və Avropa İttifaqı arasında Ukrayna ərazisindən keçən qaz kəmərinin monitorinqinə dair razılıq əldə edilib. Rusiyanın baş naziri Vladimir Putinlə
imzalanan razılıq Avropaya qaz nəqlinin bərpasını təmin edəcək . Avropaya qaz
nəqli Ukrayna ilə mübahisəyə görə dayandırılıb.
Dünən Rusiya ilə Ukrayna arasında qaz kəmərinin monitorinqinə dair müzakirələr
nəticəsiz başa çatmışdı. Razılıq Vladimir Putinin Çex Respublikasının baş naziri Mirk
Topolaneklə görüşündən sonra əldə edilib.
Rusiyanın Gazprom şirkəti razılıq əldə edildikdən dərhal sonra qaz
nəqlinin bərpa ediləcəyini bəyan etmişdi. Ukraynanın baş naziri Yuliya Timoşenko bildirib ki,
monitorinq həyata keçirldiyi təqdirdə Ukrayna razılığa imza ata bilər. Razılığın
şərtlərinə etiraz edən Ukrayna sənədin
Moskvaya hədsiz nəzarət hüququ verdiyindən şikayətlənir.