ABŞ Fəza
Agentliyi NASA deyir ki, Marsda iri
metan kütləsinin aşkarlanması qırmızı planetdə həyatın mövcudluğuna işarə ola
bilər. 3 teleskop vasitəsilə aparılan
araşdırma göstərir ki, 2003-cü ilin bir neçə ayı ərzində Mars atmosferinə 21
min ton metan qazı buraxılıb. Yer
kürəsində metan qazının əksəriyyəti heyvan həzmindən və çürüyən üzvi
maddələrdən qaynaqlanır. Lakin alimlər
deyir ki, Marsın səthindəki metan tüstüləri səthin altındakı kimyəvi
reaksiyaların nəticəsi də ola bilər. Alimlər
deyir ki, yeni araşdırma NASA-nın Marsda həyatın mövcudiyyəti haqda mövqeyini
dəyişə bilər. Onlar deyir ki, NASA indi
Marsa enmə nöqtəsini metan qazının atmosferə çıxdığı əraziyə yaxın yerə köçürə
bilər.