Barak
Obama ABŞ
prezidenti kimi ilk radio müraciətini Birləşmiş Ştatlar iqtisadiyyatının
stimullaşdırılması planlarına həsr edib. Cənab Obama deyib ki, o, 825 milyard
dollarlıq Amerika Bərpa və İnvestisiya Planının bir ay içərisində qəbul
olunmasını istəyir, və bunun üçün Konqresin hər iki partiyası güclü səy
göstərməlidir. Müraciətinə hazırkı iqtisadi iqlimin təsviri ilə başlayan ABŞ-ın
yeni prezidentinin sözlərinə görə, presedenti olmayan bu böhrana eyni yolla
cavab vermək lazımdır. O, iqtisadi xilas paketinin 3-4 milyon arasında yeni iş
yerinin açılmasına xidmət edəcəyini deyib.