İsrail hərbçiləri bildirirlər ki, Qəzza zolağındakı
yaraqlıların İsrailin cənub bölgəsinə raket atması nəticəsində dağıntı baş verib,
lakin ölən və yaralanan yoxdur. Bu,
İsraillə Qəzza yaraqlıları arasında təxminən iki həftə öncə əldə edilmiş atəşkəsdən sonra yaraqlıların İsrailə etdikləri
üçüncü raket hücumudur. Birləşmiş
Ştatların Yaxın Şərq üzrə elçisi Corc Mitçell dünən regiona səfər edərkən
demişdi ki, sülh səylərinə əngəl törətmək üçün daha çox belə hücumlar baş verə
bilər. Onun sözlərinə görə Qəzzaya
humanitar yardımın çatdırılması üçün atəşkəsi möhkəmləndirmək lazımdır. Bu arada İsrail bildirir ki, Həmas 2006-cı ildə girov götürdüyü
İsrail əsgəri Gilad Shaliti azad
etməyincə Qəzzanın blokadasına son qoymayacaq.