Türkiyə
baş naziri Rəcəb Tayip Ərdoğan İsrail prezidenti ilə baş verən hadisədən sonra
İsrailin Həmasa qarşı siyasətini yenidən tənqid edib. Bu gün “Vaşinqton Post”
qəzetində nəşr olunan müsahibədə cənab Ərdoğan deyib ki, İsrailin Həması sülh
danışıqlarına cəlb etməməsi yalnış idi. O, sözlərinə aydınlıq gətirərək bununla
Həmasın yaxşı təşkilat olduğunu demək istəmədiyini bildirib, ancaq baş nazir
vurğulayıb ki, İsrailin hücumu həddən artıq güclü olub. Cümə axşamı günü Davos
İqtisadi Forumunda İsrail prezidenti Şimon Peres Qəzzaya hücumları uzun müddət
müdafiə edəndən sonra cənab Ərdoğan əsəbləşərək paneli tərk etmişdi.