İraqda
bu gün keçirilən seçkilər ölkənin sabitliyi üçün böyük əhəmiyyət kəsb edir.2005-ci ildən bəri keçirilən ilk vilayət
seçkilərində 18 yerli şuradan 14-nün nümayəndələri müəyyən olmalıdır. 440 yer uğrunda 14 min namizəd mübarizə
aparır. Bağdadın Şədr şəhərində bu gün əsgərlərlə mübahisə zəminində başlayan
atışma nəticəsində bir nəfər həlak olub, digər bir nəfər isə yaralanıb. Bağdadın
şimalında Tikrit şəhərinin səsvermə məntəqəsi yaxınlığında bir neçə minomyot
partlayıb. Ölənlər və yaralananlar barədə məlumat verilmir, ancaq insident
rəsmilərin narahatlığını artırıb. Ölkədə seçkilərə görə təhlükəsizlik
tədbirləri gücləndirilib, hava limanları və sərhədləri bağlanıb, şəhərlərdə isə
nəqliyyatın hərəkəti məhdudlaşdırıb.