ABŞ dövlət katibi Hillari Klinton bildirib ki, Qırğızıstanın ABŞ hərbi bazasını
bağlamağa çalışması təəssüfedicidir. Xanım Klinton habelə deyib ki, ABŞ Müdafiə
Nazirliyi Qırğız parlamenti qanun layihəsini qəbul edəcəyi təqdirdə Birləşmiş
Ştatların hansı addımı atacağını müzakirə edir. O deyib ki, Qırğız hökumətinin müzakirələrinin nəticəsindən
asılı olmayaraq Amerika Əfqanistandakı
NATO qüvvələrinə təchizat çatdırılması
məsələsində çox effektiv hərəkət etmək əzmindədir.
Bundan öncə isə Qırğızıstan
parlamenti Bişkek yaxınlığında yerləşən və Əfqanıstandakı Amerika qüvvələrinin əsas tranzit
məntəqəsi hesab olunan ABŞ hərbi hava bazasının bağlanması ətrafında
müzakirələri gələn həftəyədək təxirə salıb. Qırğız höküməti bu layihəni cümə axşamı
parlamentə təqdim etmişdi. Amma rəsmilər deyirlər ki, səsvermə gələn həftə
olacaq.