Rusiya Atom Enerjisi Agentliyinin rəhbəri deyir ki,
onun ölkəsi İrandakı Buşəhr nüvə reaktorunu bu il işə salmağa hazırlaşır.
Serqey Kiriyenkonun Rusiya mətbuatına bildirdiyinə görə, gözlənilməz heç bir
şey baş verməsə reaktorun 2009-cu ilin sonuna kimi fəaliyyətə başlaması
planlaşdırılır. O, texniki cəhətdən iranlı həmkarı ilə həll edilməmiş məsələnin
qalmadığını vurğulayıb. Kiriyenkonun bu ayın sonunda Buşəhrə gedəcəyi
gözlənilir. Rusiya layihə üzərində 1995-ci ildə işləməyə başlayıb və İranın ilk
atom enerji stansiyasının işə düşməsi üçün yanacaq təchizatını Tehrana verib.
Zavodun açılışı bir neçə dəfə təxirə salınıb. İran rəsmiləri bu gecikməni
ölkəyə tətbiq olunan iqtisadi sanksiyalarla izah edir.