Gürcüstanın separatçı Cənubi Osetiya regionunun qüvvələri de-fakto sərhəddə Avropa monitorlarını qısamüddətli nəzarət altına alıblar.
Gürcüstan höküməti çərşənbə axşamı Cənubi Osetiya hakimiyyətini 2 ATƏT müşahidəçisini oğurlamaqda ittiham edib.
Bir neçə saat sonra ATƏT monitorların buraxıldığını elan edərək, insidentin araşdırıldığını bildirib.
1992-ci ildən bəri ATƏT Cənubi Osetiya və digər Rusiyameylli separatçı ərazilərdə müşahidəçi missiyaları həyata keçirib.
Bununla yanaşı, separatçılar ötən il Rusiya-Gürcüstan müharibəsindən sonra ATƏT monitorlarının əraziyə keçidinə imkan verməyib.
Bundan əlavə Rusiya bu ayın sonunda başa çatacaq missiyanın mandatını uzatmağın qarşısını alıb.