Zimbabve
rəsmiləri yeni hökumətin potensial üzvünə qarşı dövlətə xəyanət ittihamını
dayandırıblar. Buna baxmayaraq, onun sabah başqa ittihamlarla məhkəməyə
çıxarılacağı gözlənilir. Demokratik Dəyişiklik Uğrunda Hərəkatın üzvü və baş
nazir Morqan Çanqirayın müttəfiqi Roy Bennetin vəkili deyir ki, ona qarşı
terror aktlarına cəhd və qurdurluq ittihamları irəli sürülüb. Təhlükəsizlik
agentləri onu cümə günü həbs edib. Bundan qısa müddət əvvəl isə o, kənd
təsərrüfatı nazirinin müavini kimi and içməli idi. Çanqirayın sözlərinə görə,
həbs siyasi motivlərlə həyata keçirilib və prezident Robert Muqabenin
partiyasının məqsədinin yeni koalisiya hökumətini təhlükə altına almaq olduğunu
təsdiq edir.