Keçən
ay ABŞ qüvvələrinin ölkədən çıxarılması barədə göstəriş veriləndən sonra bu gün
Qırğızıstan parlamenti həmin qərarı böyük üstünlüklə təsdiq edib.
Qanunvericilər 11 müttəfiqin Manas hərbi hava bazasında istifadəsinə icazə
verən razılaşmanın ləğvi barədə razılığa gəliblər. Manas ABŞ koalisiyasının
Əfqanıstandakı Taliban qüvvələrinə qarşı mübarizənin dayaq nöqtəsi sayılır. Bu
həftənin əvvəli Qırğızıstan prezidenti kurbanbek Bakıyev BBC-yə bildirmişdi ki,
Əfqanıstanda təhlükəsizlik səyləri çərçivəsində ABŞ hökumətinin yeni
təkliflərinə hazırdır. Ancaq dünən qırğız rəsmilər hökumətin qərarını
dəyişməyəcəyini bildirib. Birləşmiş Ştatlar müdafiə naziri Robert Geyts
məsələnin hələ tam qapanmadığını və Amerikanın Qırğızıstanla yeni razılıq əldə
olunmasına çalışdığını deyib.